Please enable javascript.Chennai Government Hospital Recruitment 2020,சென்னை அரசு மருத்துவமனையில் வேலைவாய்ப்பு! - applications are invited for driver post in chennai government maternity hospital recruitment 2020 - Samayam Tamil

சென்னை அரசு மருத்துவமனையில் வேலைவாய்ப்பு!

Samayam Tamil | 30 Dec 2019, 12:42 pm
Subscribe

Chennai Recruitment 2020: Chennai Egmore Goverment Hospital: சென்னை எழும்பூர் அரசு தாய் சேய் மருத்துவமனையில் வேலைவாய்ப்பு அறிவிக்கப்பட்டுள்ளது.

Chennai Government Hospital Recruitment 2020
சென்னை அரசு தாய் சேய் நல மருத்துவமனையில் டிரைவர் பணிக்கு விண்ணப்பங்கள் கோரப்பட்டுள்ளது. இது பற்றிய விபரங்களை இங்கு காணலாம்.

சென்னை எழும்பூரில் அரசு தாய் சேய் நல மருத்துவமனை இயங்கி வருகிறது. இந்த மருத்துவமனையில் டிரைவர் பணிக்கு ஆட்கள் தேர்வு செய்யப்பட உள்ளதாக, மாவட்ட ஆட்சியர் அலுவலகத்தில் இருந்து டிசம்பர் 27 ஆம் தேதியிட்ட வேலைவாய்ப்பு அறிவிக்கை வெளியாகியுள்ளது.

அதன்படி, ஒரே ஒரு டிரைவர் பணி மட்டும் நிரப்பப்படுகிறது. இதற்கு பிற்படுத்தப்பட்டவர்கள் (முஸ்லீம் தவிர) விண்ணப்பிக்கலாம். முன்னாள் படை வீரர்கள், அவர்களுடைய முதல் வாரிசுகள், ஆதரவற்ற விதவைகள் ஆகியோருக்கு முன்னுரிமை வழங்கப்படும். நேர்காணல் அடிப்படையில் டிரைவர் பணிக்கு நேரடி நியமனம் செய்யப்படுகிறது.

டிரைவர் பணிக்கு விண்ணப்பிக்கும் விண்ணப்பதாரர்கள் 18 முதல் 32 வயதுக்கு உட்பட்டவராக இருக்க வேண்டும். குறைந்தபட்சம் 8 ஆம் வகுப்பு தேர்ச்சிப் பெற்றிருக்க வேண்டும். கனரக வாகன ஓட்டுநர் உரிமம் வைத்திருக்க வேண்டும். குறைந்தபட்சம் 2 ஆண்டுகள் கனரக வாகனம் ஓட்டிய அனுபவம் பெற்றிருக்க வேண்டும்.

நேரடி நியமனம் மூலம் டிரைவர் பணியிடம் நிரப்பப்படுகிறது. தேர்வு செய்யப்படும் விண்ணப்பதாரர்கள் சென்னை தாய் சேய் நல மருத்துவமனையில் டிரைவராக பணியமர்த்தப்படுவர். அவர்களுக்கு மாதம் ரூ.19,500 முதல் ரூ.62,000 வரையில் சம்பளம் வழங்கப்படும்.

மேற்கண்ட தகுதிகள் பெற்றிருள்ள விண்ணப்பதாரர்கள், சென்னை எழும்பூரில் உள்ள அரசு தாய் சேய் நல மருத்துவமனையில் விண்ணப்பம் பெற்று, அதனை பூர்த்தி செய்து, ஜனவரி 9 ஆம் தேதிக்குள் விண்ணப்பிக்க வேண்டும். விண்ணப்பங்கள் ஜனவரி 6 முதல் 8 ஆம் தேதியில் வரையில் மட்டுமே வழங்கப்படும் என்று தெரிவிக்கப்பட்டுள்ளது.

விண்ணப்பிக்கும் போது விண்ணப்பதாரர்கள் தங்களுடைய சான்றொப்பமிட்ட கல்விச்சான்றிதழ் நகல், வகுப்பு சான்றிதழ் நகல், குடும்ப அட்டை நகல், அண்மையில் எடுக்கப்பட்ட புகைப்படங்கள், கனரக ஓட்டுநர் உரிமம், பணி அனுபவச் சான்றிதழ் ஆகியவற்றை இணைத்து அனுப்ப வேண்டும்.

இது பற்றிய முழுமையான விபரங்களுக்கு சென்னை மாவட்ட ஆட்சியர் அலுவலகம் வெளியிட்டுள்ள அதிகாரப்பூர்வ அறிவிப்பைப் பார்க்கவும்.
Chennai Government Hospital Recruitment 2020 Official Notification
உங்கள் கருத்தை பதிவு செய்க

அடுத்த செய்தி

Tamil News App: உடனுக்குடன் உலக நிகழ்வுகளை உங்களது சமயம் தமிழ் ஆப்பில் நொடியில் பார்க்கலாம்
முக்கியச் செய்திகள் மற்றும் புதிய செய்திகளுக்கு Samayam Tamil ஃபேஸ்புக்பக்கத்துடன் தொடர்ந்திருங்கள்