Please enable javascript.India Vs West Indies,వరల్డ్‌కప్‌లో వెస్టిండీస్‌కి చాహల్ వార్నింగ్ - world cup 2019: leg spinner chahal warns west indies - Samayam Telugu

వరల్డ్‌కప్‌లో వెస్టిండీస్‌కి చాహల్ వార్నింగ్

Samayam Telugu | 24 Jun 2019, 6:58 pm
Subscribe

హార్డ్ హిట్టర్ ఆండ్రీ రసెల్‌ని నిలువరించడానికి మా దగ్గర ఒక ప్లాన్ ఉంది. మేము ఇప్పటికే అతడ్ని చాలా సార్లు ఎదుర్కొన్నాము. అయితే.. ఐపీఎల్‌తో పోలిస్తే.. దేశం తరఫున ఆడే సమయంలో భావోద్వేగాలు చాలా భిన్నంగా ఉంటాయి. -చాహల్

ప్రధానాంశాలు:

  • భారత్, వెస్టిండీస్ మధ్య గురువారం మధ్యాహ్నం మ్యాచ్
  • ఇప్పటికే సెమీస్ అవకాశాల్ని సంక్లిష్టం చేసుకున్న విండీస్
  • వరల్డ్‌కప్‌లో జైత్రయాత్ర సాగిస్తున్న టీమిండియా
  • విండీస్ హిట్టర్లు.. భారత స్పిన్నర్ల మధ్య ఆధిపత్య పోరు జరిగే ఛాన్స్
  • రసెల్‌ కట్టడికి వ్యూహం సిద్ధంగా ఉందన్న చాహల్
800
ఇంగ్లాండ్ వేదికగా జరుగుతున్న వన్డే ప్రపంచకప్‌లో భారత్ జట్టు జైత్రయాత్ర సాగిస్తూ సెమీస్‌కి చేరవవుతోంది. ఇప్పటికే దక్షిణాఫ్రికా, ఆస్ట్రేలియా, పాకిస్థాన్, అఫ్గానిస్థాన్ టీమ్‌లను ఓడించిన టీమిండియా.. ప్రస్తుతం పాయింట్ల పట్టికలో మూడో స్థానంలో కొనసాగుతోంది.
టోర్నీలో భాగంగా వెస్టిండీస్‌తో గురువారం మధ్యాహ్నం నుంచి భారత్ జట్టు తలపడనుండగా.. ఆ మ్యాచ్‌కి ముందే కరీబియన్లకి మణికట్టు స్పిన్నర్ చాహల్ హెచ్చరికలు జారీ చేశాడు. ఇప్పటికే టోర్నీలో ఆరు మ్యాచ్‌లాడిన వెస్టిండీస్ జట్టు ఒక్క మ్యాచ్‌లో మాత్రమే గెలుపొంది.. సెమీస్ అవకాశాల్ని సంక్లిష్టం చేసుకుంది. భారత్‌పై మ్యాచ్‌లో ఆ జట్టు ఓడితే..? అధికారికంగా సెమీస్ రేసు నుంచి నిష్క్రమించనుంది.

వెస్టిండీస్‌తో మ్యాచ్‌ నేపథ్యంలో.. రసెల్‌‌ని భారత్ నిలువరించగలదా..? అని చాహల్‌ను ప్రశ్నించగా.. అతను సమాధానమిచ్చాడు. ‘హార్డ్ హిట్టర్ ఆండ్రీ రసెల్‌ని నిలువరించడానికి మా దగ్గర ఒక ప్లాన్ ఉంది. మేము ఇప్పటికే అతడ్ని చాలా సార్లు ఎదుర్కొన్నాము. అయితే.. ఐపీఎల్‌తో పోలిస్తే.. దేశం తరఫున ఆడే సమయంలో భావోద్వేగాలు చాలా భిన్నంగా ఉంటాయి. ఇప్పుడు వెస్టిండీస్ జట్టు గెలుపు కోసం ఆరాటపడుతోంది. తప్పకుండా టోర్నీలో పుంజుకోవడానికి కరీబియన్లు ప్రయత్నిస్తారు. కానీ.. మ్యాచ్ గమనానికి అనుగుణంగా వ్యూహాలు మార్చి వారిని కట్టడి చేస్తాం’ అని చాహల్ వెల్లడించాడు.
కామెంట్ రాయండి

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.